Phir MIlenge Chalte Chalte

College ka wo pahla din,
khade hue the hum sahme simte;
Dhoond rahi thi aankhe us bhid me,
sochkar inme se kuch honge apne;
dil me thi kuch umeedein,
aankho me the kuch sapne;
kuch unme se the begane,
to kuch unme se the apne;
dhire dhire shuruvat hui,
bahuton se lage baatein karne,
kabhi mahsus hua tha jo khalipan,
ab rang lage the unme bharne;
kahi kuch apni baatein unse,
to kahin lage unki bhi sunane;
dhire dhire hue kuch vaadein,
to kabhi lage the kasme ginane;
chaahat to ab yahi rah gayi hai,
rahe jab tak hum jinda nhi denge unhe marne;
aur jate jate bas yahi kah jana hai,
bhul na jana hame kyunki phir milenge chalte chalte.

mera man

raat hote hi wah aa jati hai khayalo me,
uski yadon me kho jata hai mera man;
aankho ke samne jhalakta hai uska aks,
par un aankho me hi atak jata hai mera man;
dil ki har dhadkan bhulana chahti hai us nam ko,
par uski dhadkano me apna nam sun jata hai mera man;
kabhi kabhi sochata hun yah to kaynat ki sajish hai,
par in sab ke pare sochata hai mera man;
jab samajh me aaya ki yah to sirf ek saaya hai,
use haqiqat me badalne machal uthata hai mera man;
ab to chahat hai subah ke suraj ko niharne ki,
par sari jindagi is raat me hi simat jana chahta hai mera man.